របៀបថែរក្សាភ្នែកសម្រាប់អ្នកធ្វើការច្រើនជាមួយកុំព្យូទ័រ

 

ចង់លើកសម្រស់ផ្ទៃមុខភ្លាមៗ គ្រឿងអលង្ការ ៤ ប្រភេទនេះ អាចជួយបាន

មិនចាំបាច់តែគ្រឿងអលង្ការដែលធំហើយមានតម្លៃថ្លៃនោះទេ ឲ្យតែចេះអ្នកជ្រើសរើសត្រឹមត្រូវ ស័ក្តិសមនឹងស្ទីលជាខ្លួនឯង សូម្បីតែគ្រឿងលំអរតិចតួច ក៏អាចលើកសម្រស់ភ្លាមៗតែម្តង។

១. ក្រវិលកង

ក្រវិលកងជាស្ទីលបែប Classic ដែលពេញនិយមអស់រយៈពេលជាយូរណាស់មកហើយ វាក៏នៅតែបន្ត​មិនហួសសម័យឡើយ។ ថ្វីត្បិតតែមើលទៅមានលក្ខណៈសាមញ្ញពិតមែន ប៉ុន្តែភាពទាក់ទាញទាន់សម័យនៅមិនសាបសូន្យនោះទេ។ ជាពិសេសវាកាន់តែជួយបន្ថែមភាពលេចធ្លោ ជាមួយនឹងស្ទីលស្លៀកពាក់របស់អ្នក។

២. ក្រវិលជាប់ទងត្រចៀក

នេះគឺជាប្រភេទក្រវិលដែលមិត្តៗនារី មិនសូវមើលរំលង ព្រោះវាស្អាតបែបទន់ភ្លន់ មានមន្តស្នេហ៍។ អ្នកអាចជ្រើសរើសការច្នៃម៉ូដពីត្បូង អង្កាំ ឬគុជជាដើម ដែលសុទ្ធសឹងតែម៉ូដទាក់ភ្នែក គួរឲ្យចង់គយគន់។

៣. ក្រវិលរំយោលឬមានម៉ូដធំ

ចង់បន្ថែមភាពទាក់ទាញកាន់តែខ្លាំង ក្រវិលមួយប្រភេទនេះ ជាជម្រើសដ៏ល្អបំផុត។ ក្រវិលរំយោល មានម៉ូដធំៗ ឬមានពណ៌បែបលេចៗ ពិតជាពេញនិយមខ្លាំងណាស់ សម្រាប់អ្នកស្រលាញ់ស្ទីលបែបសិចស៊ី។ មិនថាអ្នកស្ថិតក្នុងម៉ូដសម្លៀកបំពាក់មួយណា ការបន្ថែមក្រវិលធំៗ នឹងអាចជួយលើកសម្រស់អ្នកទ្វេដង។

៤. ខ្សែកពីរជាន់

ស្ទីលខ្សែក ២-៣ ជាន់ ជាអ្វីដែលស្រីៗមិនអាចខ្វះបាន។ ដោយសារតែវាបង្ហាញចេញនូវភាពទាន់សម័យ បែបសាមញ្ញៗមិនរញ៉េរញ៉ៃច្រើន។ ម្យ៉ាងវិញទៀត ខ្សែកមួយប្រភេទនេះ ពិតជាអាចបន្ថែមភាពស្រស់ស្អាតដល់សម្រស់ រួមទាំងការស្លៀកពាក់របស់អ្នកឲ្យកាន់តែទាក់ទាញភ្លាមៗ ដោយមិនបាច់ប្រឹង៕